//
Askwala

askwala


Home ››







Apr 13, 2019 at 12:35 PM

በከባድ የሙስና ወንጀል የተጠረጠሩና የሽብር ጥቃት በሀገሪቱ ለመፈፀም ሲዘጋጁ የነበሩ ግለሰቦች በቁጥጥር ስር ዋሉ

Informer: Wegen , from Politics category

በከባድ የሙስና ወንጀል የተጠረጠሩ እና የሽብር ጥቃት በሀገሪቱ ለመፈፀም ሲዘጋጁ የነበሩ ግለሰቦች በቁጥጥር ስር መዋላቸውን የፌደራል ጠቅላይ አቃቤ ህግ አስታወቀ።

ጠቅላይ አቃቤ ህጉ አቶ በርሃኑ ፀጋዬ በሰጡት መግለጫ እንደጠቆሙት፥ በሶስት የተለያዩ የመንግስት ተቋማት ውስጥ ከተፈፀሙ የሙስና ወንጀሎች ጋር በተያያዘ የተቋማቱን የስራ ሀላፊዎች እና ባለሀብቶች ጨምሮ 59 ሰዎች በቁጥጥር ስር መዋላቸውን አስታውቀዋል።

አቶ ብርሃኑ በመንግስት ተቋማት እና ፕሮጀክቶች ላይ የተፈፀመ ከባድ ወንጀሎችን በተመለከተ ባለፉት 3 ወራት
ምርመራ መደረጉን ተናግረዋል።

በዚህ ምርመራም በወንጀሎቹ የደረሰውን ጉዳት እና ተጠርጣሪዎቹ ያደረሱትን ብክነት ተመርምሯል ነው ያሉት።

በብዛት ሙስና ይፈፀማል ተብሎ የሚታመነው በግዢ ሂደት በመሆኑ በመንግስት ግዢና ንብረት አስተዳደር አገልግሎት ተቋም ላይ ምርመራ ተካሂዷል ብለዋል።

ይህ ተቋም ላይ በተካሄደው የምርመራ ውጤት መሰረትም ከ400 ሜትሪክ ቶን ስንዴ ግዢ ጋር በተያያዘ በጥቅም በመመሳጠር ተጠርጣሪዎቹ በመንግስት ላይ በአጠቃላይ 23 ነጥብ 7 ሚሊየን የአሜሪካ ዶላር ጉዳት እንዲደርስ ማድረጋቸውን ጠቁመዋል።

ከዚህ ግዥ ጋር በተያያዘ ተጠርጣሪዎቹ የዳቦ እጥረት እንዲከሰት በማድረግ በህዝብ እና በመንግስት ላይ ተፅዕኖ ማድረሳቸው ተነግራል፡፡

ከኮምፒውተር ግዥ ጋር ተያይዞ የቴክኒክ ምርመራ ያለፉ አቅራቢ ድርጅቶ እያሉ ምርመራውን ካላለፉ ተቋማት ግዥ እንዲፈፀም ተደርጓልም ነው ያሉት፡:

በውሃ ስራዎች ኮንስትራክን ኮርፖሬሽን ውስጥ የተለያዩ የስራ ሀላፊዎች እርስ በርሳቸው በመመሳጠር ከ55 ሚሊየን ብር በላይ ያለ አግባብ በተፈፀመ የብረት ግዢ ውስጥ የተፈፀመ የሙስና ወንጀል መኖሩንም ገልጸዋል።

እንዲሁም የመድሃኒት ፈንድ ኤጀንሲም ከግዥ ስርዓቱ ውጭ የ79 ሚሊየን ብር ግዥ መፈጸሙን አቃቢ ህጉ አንስተዋል።

በአመራሮች ላይ እየተካሄደው ባለው ማጣራት ካላቸው ገቢ በላይ ንብረቶችን አፍርተው እንደተገኙ መረጋገጡንም ነው የተናገሩት።

አቶ ብርሃኑ በመግለጫቸው ከፍተኛ የሽብር ጥቃት በሀገሪቱ ለመፈፀም ሲዘጋጁ የነበሩ ቁጥራቸው ያልተጠቀሱ ተጠርጣሪዎች በቁጥጥር ስር መዋላቸውንም ጠቅሰዋል።

ተጠርጣሪዎቹ ከሌሎች ዓለም አቀፍ የሽብር ቡድኖች ጋር በመሆን በኢትዮጵያ ውስጥ ሽብር የሚፈፅሙበትን ስልት በመቀየስ እና ቦታ በመለየት ላይ እንደነበሩ አውስተዋል።

ለሽብር ጥቃቱ በዝግጅት ላይ ነበሩ ያሏቸው ተጠርጣሪዎች ከብሄራዊ መረጃና ደህንነት አገልግሎት ጋር በመተባባር በቁጥጥር ስር መዋላቸውንም አመላክተዋል።

በእጃቸው በተያዙ ሰነዶች መሰረት የሽብር ጥቃቱን ቢፈፀሙ የከፋ ጉዳት ሊያደርሱ ይችሉ እንደነበር ጠቅሰው፥ በተዘጋጁ እና በሂደት ላይ በሚገኙ አዋጆች ዙሪያ ለጋዜጠኞቹ ማብራሪያ ሰጥተዋል፡፡

በዚህ ወቅትም በሀገሪቱ ያለውን ህገ ወጥ የጦር መሳሪያ ዝውውር ለመከላከል የሚያስችል አዋጅ መዘጋጀቱን ተናግረዋል፡፡

አዋጁ በሀገር አቀፍ ደረጃ ህጋዊ የጦር መሳሪያ አያያዝን ለማስተካከል የሚረዳ መሆኑን ገልፀዋል፡፡

በተለይ በማዘዋወር፣ በመጫን እና በተለያዩ መንገዶች በሚሳተፉ አካላት ላይ ከፍተኛ ቅጣትን የሚያስከትል መሆኑን በመጥቀስ።

በተመሳሳይ የጥላቻ ንግግር እና የሀሰተኛ መረጃዎችን ስርጭት ለመከላከል ታስቦ የተዘጋጀው አዋጅ ከህገ መንግስቱ እና ከዜጎች መሰረታዊ መብቶች ጋር እንዳይጣረስ ሆኖ መዘጋጀቱንም ነው በንግግራቸው ያነሱት።

አቶ ብርሃኑ አዋጆቹ የፓለቲካ ምህዳሩን ለማስፋት፣ የሰብዓዊ መብትን ለማረጋገጥ እና የስራ አድል ፈጠራን ለማሻሻል እንዲሁም ኢኮኖሚያዊ እድገት ለማረጋገጥ የሚያስችሉ ናቸው ብለዋል፡፡

Info source: Fana